_(:з」∠)_拖延症病患者

之前摸魚用手機打的無聊段子，我只是想打下粵語而已……
真心想聽粵語版的藍雨廣播劇 _(:з」∠) _

1.食堂大媽

盧瀚文場合：
“阿姨，今日有咩餸？”
“瀚文得你一個？今日你咁早訓練完？”
“我今日同鄭軒前輩練習，贏左佢！隊長就比我提早食晏就！阿姨 o(>< )o你仲未講今日有咩餸！”
“今日有你鍾意食嘅生炒排骨！阿姨挾多幾件多肉嘅比你！男仔發育期要食多d野，唔係弟時就唔識高，好似阿軒、景熙咁。”

徐景熙場合：
“一黎就講我壞話 _(:з」∠) _阿姨我只要再努力一下嘅話，我都仲有得高。”
“景熙你今日都咁早訓練完！”
“我唔洗參加內部對打訓練，只係做日常練習。阿姨唔好扮聽唔到，我真係總有得高！”
“你呢句話我由三年前聽到依家。今日世唔世多飯？”
“阿姨你好傷我心。唔世多飯，但我要多d肉！”

李遠場合：
“你地講咩傷心？景熙你傷心就自己奶自己未得囉！阿姨，午安！今日有咩好食？”
“阿遠你都好早哦！今日有生炒排骨、蒜蓉炒雜菜、甜酸魚、麻婆豆腐、蔥爆牛肉，仲有烏雞湯！”
“樣樣野都睇落好好食！都唔知食咩好。”
“黎個蔥爆牛肉，牛肉係我今朝叫師傅揀最滑嘅比我。”
“好呀！阿姨推薦嘅一定好食！”
“咁識講野，真係甜死阿姨。我就挾多d牛肉比你。”

宋曉場合：
“阿姨，你唔可以咁偏心。我嘅話會唔會都係有多d肉？”
“阿曉你都高到阿姨托高個頭傾一陣計都攰。總食咁多有營養嘅野，你真係想我以後企張枱上面同你傾計？”
“邊叫阿姨你地又識買靚材料、又煮得一手好餸，搞到我每餐都想食多d。最重要每次排隊攞飯都有你地班靚阿姨同我介紹，我當然要多d表示支持。”
“你呢個阿曉全藍雨就你最識哄我地班老太婆！好，我一陣就每樣餸都挾多d比你！”

鄭軒場合：
“唉……阿姨，午安。”
“阿軒，做咩死氣沉沉咁樣？我投先聽瀚文講，佢今日好似打贏左你。係唔係因為呢樣野唔開心？”
“唔係。阿姨仲有冇今朝早餐嘅粥？我喉嚨痛，唔想食飯。”
“你病？咁仲去練習，多d休息嘛！粥有剩，不過要整返熱佢。你坐佢個邊休息下，我一陣攞黎比你！”

黃少天場合：
“阿姨、阿姨，午安！今日有咩好餸！我已經餓到你比一埇飯我，我都食得落啦！”
“今日有秋葵。”
“………阿姨其實我覺得我地大G市有咁多美食，而阿姨你地又煮得一手好餸，根本唔需要成日都煮秋葵！雖然我知道秋葵營養價值高，但有好多野都可以代替佢，椰菜蕃茄油菜白菜茄子蕃薯………都好營養！我地唔需要一直只專注係秋葵上。出去同其它戰隊講，我地日日都食秋葵。其它戰隊總會以為我地藍雨冇野好食，所以我覺得……”
“夠啦，少天。阿姨我只不過同你講下笑。今日冇秋葵。”
“真嘅！阿姨我真係比你嚇死。你下次唔好再亂開呢d笑。你知唔知上次我已經唔叫有秋葵嘅餸，點之徐景熙個衰仔偷偷地將佢d秋葵放落我個碗到，而隊長佢又逼我食。我………”

喻文州場合：
“少天，我要你食係因為想你做個好榜樣比瀚文睇。阿姨，午安。”
“文州，今日我地煲左烏雞湯。阿姨我突登留左隻雞腳比你。”
“………謝謝，阿姨。”

2.年齡

黃：“衝呀衝，快搶攻~射呀射，射它吧~”
盧：“少天前輩，你究竟唱緊咩歌？”
黃：“足球小將，你冇睇過咩，瀚文？”
盧：“冇。踢波嘅，我只睇過閃電十一人。”
徐：“代溝、代溝！黃少，終於出現代溝證明你同瀚文不是一樣只有15歲心智。恭喜！”
李：“唔係有句話講三年一個代溝咩？我同黃少都有一個代溝。”
徐：“我都有！不過黃少同瀚文有成三個！”
黃：“你地唔好講到同瀚文冇代溝！！！仲有呢度年紀最大嘅明明唔係我，係隊長！你地做咩一個二個剩係講我！”
盧：“原來隊長最老！我一直以為係宋曉前輩！”
黃：“哈哈哈！宋曉個樣生得太老成持重！！！居然比瀚文覺得仲老過隊長，真係太好笑！“
徐：“瀚文，你原本覺得宋曉幾大？”
盧：“27 ，28左右？”
黃：“27，28未同叶修、張佳樂、王杰希佢地差唔多。真係笑死我！”
徐：“咁瀚文你又覺得隊長佢幾大？”
盧：“25？”
徐：“黃少呢？”
盧：“20？”
徐：“哈哈！黃少你係瀚文心目中只有20歲，隊長反而25歲。明明同年，但瀚文明顯就覺得你比隊長幼稚得多！呢個總好笑過宋曉嘅28歲，我一定要一陣同佢地講！”
李：“如果黃少真係得20歲，佢出道仲比瀚文你細個。”
黃：“瀚文你數學係比體育老師教架！居然話我20歲，點計都唔對路！唔得，隊長返黎我一定要叫佢加返你學習嘅時間。你唔好怨我，我咁做都係為你好。”

3.功課

“李遠前輩，呢條數學題我唔識做。你可唔可以教我？”
“吓？瀚文，你記不記得我張賬號卡叫咩名？”
“八音符囉！”
“啱啦！所以係關於音樂科嘅問題，你先黎問我。其它科嘅就問其它人。徐景熙，瀚文有野想問你！”
“瀚文，你有野問我？”
“景熙前輩，你可唔可以教我點計呢條數。”
“等我睇睇。假設小明由甲地去……我電話震，等我聽完電話再返黎教你。鄭軒你先幫我教瀚文數學。”
“數學？真係大壓力。瀚文。”
“咩事，鄭軒前輩？”
“聽講黃少讀書時，數學唔錯。你過去問佢。”
“好呀！我去搵少天前輩。”

“少天前輩，你可唔可以……”
“瀚文，經理有事搵我。你有咩事先叫宋曉幫你！我走啦，再見。”
“誒？今日經理唔係唔世返工咩？算吧。宋曉前輩，你可唔可以教我呢條題目點做。”
“好。等我睇睇。呢條題目唔難，首先你要設X係小明由甲地走向乙地嘅距離，跟住咁樣，然後咁樣。你跟住咁做就計出答案。”
“唔明。”
“唔明唔緊要。隊長一定會教得明你。隊長，瀚文有野想問你。”
“瀚文又有數唔識計？”
“係呀，隊長。”
“呢條同我上次教你好相似。我地改變一下題目，你應該就會識做。假如流雲打某個副本由入口去到第一個小Boss需要十五分鐘，然後第一個小BOSS……”
“隊長我明白啦！果然每次將d題目轉做榮耀，我就識做！隊長真係好厲害！”